En que consiste o traballo dun enólogo?

 

O enólogo é o técnico que desenvolve todos os procesos produtivos desde a viña ata conseguir o viño. Dentro das definicións ou as funcións dun enólogo está a comercialización. Consiste en controlar o viñedo, a produción da uva e o máis importante e imprescindible, a elaboración; a transformación do mosto da uva a viño.

​

Que ten que ter un viño para que se considere de alta calidade?

Esta é unha pregunta un pouco así moi tal. Un viño de alta calidade non ten por que gustar. Os criterios que definen unha alta calidade son:unha moi boa elaboración, sen defectos ou enfermidades, unha moi boa maduración e que respecte a variedade coa que está elaborado.

 

Que terreos son os máis válidos para o cultivo da uva en Valdeorras?

​

Aquí en Valdeorras, en todo o que é a Comarca,  temos catro tipos de terreos. Eu sen dúbida quedariame cos graniticos e cos pizarrosos, que teñen pouca capa de terreo e son pobres. Isto en concreto o que che dá logo son viños dunha maior calidade en canto aroma. Os  graníticos son os que temos na zona de O Bolo. Aínda que sexa a mesma variedade e a mesma gradación, dáche outras características, achégache máis mineralidad.

Os peores terreos, que precisamente en Valdeorras son os que menos hai, son os  arcillosos, que dan máis carga de produción e menos intensidade aromática.

​

Que condicións son as idóneas para a conservación do viño?

A temperatura é primordial. A sanidade, a limpeza, iso é primordial. No viño, dentro da elaboración hai diferentes fases. En adega consérvase en depósitos que poden ser de cemento, de aceiro, barricas de madeira.. é primordial a temperatura; a idónea para o viño son 15 graos. En barrica por suposto a limpieza, hai que tentar eliminar ao máximo todo o que poden ser contaminacións de fermento, bacteria e demais. E a humidade. En botella, a temperatura.

​

Que materiais químicos son necesarios?

​

Algo primordial primordial primordial é o sulfuroso, que é antiséptico e antioxidante. Pero non é químico como tal, é un aditivo que teñen moitos produtos en lata, como os mexilóns. É unha cousa que idearon os exipcios hai xa 5000 anos. Hoxe en día os tratamentos no viño están moi rexidos pola OIV (Organización Internacional de la Viña y el Vino) e por normativas europeas, polo que non se pode botar calquer cousa. Temos  clarificantes, temos antioxidantes, hai diferentes cousas. Moitas delas son correctivos e correctores e proveñen do mesmo viño, ou da uva, como son os taninos. Un viño que ten pouca estrutura podes corrixilo con tanino de uva que foi extraído previamente. O ácido tartárico emprégase tamén porque a acidez é primordial para a sanidade dun viño. E pouco máis, o viño non é como pensan algunhas persoas, non é todo química. Utilízanse algúns correctores, pero o proceso está moi moi moi controlado pola OIV. Hoxe ea tendencia é cara a menos manipulacións, a produtos máis naturais, sobre todo polo tema dos alérxenos. Coas técnicas que hai hoxe en día na elaboración, cada vez son menos necesarios moitos deses produtos.